霑叔，我們好掛住你呀！
梁栢堅：霑叔十年
不經不覺，黃霑已離開十年。今年喜見《黃霑書房》面世，此房乃一網頁，係由香港文化評論人梁款（吳俊雄教授）花了八年時間，整理霑叔藏書手稿而成。此網一開，即廢寢點閱，裏面盡是霑叔多年報紙散文和電台訪問，好睇到呢……如果照黃老霑的粗口指標，每一下「X」就代表一個Like，我一晚至少X咗幾百次。
冇誇張，黃霑散文口語得來不失韻味，有鹹濕有粗俗同時又有文化底蘊，最緊要就係真心直接。重閱其舊文，你會一窺他對國與家的心路歷程，因為霑叔一家就是1949年逃難來香港，經歷整個五十年代，在深水埗見過雙十暴動死人、青天白日旗到處飄揚等，你會驚訝「咦原來佢當年咁諗」。
另一高潮就是霑叔的少年時代，讀九年喇沙，作文經常拿九十分以上及成為田徑精英等你應該不會驚訝，但佢同一班喇沙仔合謀圍揪牛黃同學李小龍，此場面足以成為經典：因為李小龍在喇沙日日撩交打又未輸過，黃霑與同學十則圍之，制服Bruce Lee於地上，除褲不特止，還揸佢X袋（唔係膀胱），猛然發現李小龍原來天生「單春蛋治」！受此大辱後，龍哥當然日日找人尋仇，但當然滅不了口，結果被霑叔「踢爆鳥」。（節錄）
http://bit.ly/1kZmfkr
（網上圖片）
#黃霑 #信報 #信報財經新聞
Search